Стажыроўкі для беларусаў і падтрымка палітвязняў: Анатоль Лябедзька — у эстонскім парламенце 

Анатоль Лябедзька, дарадца Святланы Ціханоўскай па парламенцкім супрацоўніцтве, падчас рабочай паездкі ў Эстонію правёў шэраг сустрэчаў у парламенце краіны. У сустрэчах таксама ўдзельнічаў кіраўнік прадстаўніцтва Офіса Ціханоўскай у Таліне Віталь Малчанаў.
 
Падчас перамоваў з прадстаўнікамі парламента, у тым ліку з кіраўніком камітэта па міжнародных пытаннях, абмеркавалі ўзмацненне групы «За дэмакратычную Беларусь», магчымасці стажыровак для маладых беларусаў і падтрымку палітвязняў.

Анатоль Лябедзька:

«Мы ўзмацняем групу «За дэмакратычную Беларусь». Пасля гэтых сустрэчаў у групе будуць новыя сябры. Па-другое — магчымасці стажыроўкі для маладых беларусаў, каб яны вучыліся парламентарызму і адчувалі дух сапраўднага парламента».

Падрабязней — у відэа.