«Многія людзі думаюць, што без зменаў у Расіі змены не могуць адбыцца ў Беларусі. Я лічу, што мы павінны змяніць гэты погляд. Перамены ў Беларусі разам з перамогай Украіны наадварот могуць каталізаваць змены ў Расіі, як у 1989 годзе, калі дэмакратычныя рухі ва Усходняй Еўропе прывялі да распаду Савецкага Саюза. 

Грамадства ў Беларусі больш згуртаванае — мы праеўрапейскія, прадэмакратычныя, і лягчэй дапамагчы беларусам вярнуць сваю краіну. Я памятаю, што ў 2020 годзе нашыя пратэсты натхнілі актыўнасць і ў Расіі, таму гэта таксама магчыма».