«Беларусы і беларускі ўжо пачалі адзначаць Дзень Волі ў розных гарадах і краінах. Я бачу гэтыя сустрэчы, акцыі, імпрэзы, здымкі з бел-чырвона-белымі сцягамі, і адчуваю вялікі гонар, натхненне і ўдзячнасць. Таму дзякуй, што вы выходзіце, што збіраецеся разам.

Дзень Волі — гэта перш за ўсё наша еднасць нягледзячы на тое, што ўсе мы розныя. Галоўнае, што мы ведаем, хто мы. І мы ніколі і нікому не дазволім адняць у нас сваю гісторыю. Нават на такой адлегласці ад беларускай зямлі я ўпэўнена — і ўнутры краіны беларусы берагуць нашае свята ў сэрцы. Беражыце сябе і беражыце адно аднаго».