Сёння пачаўся прыём заявак ад выбарчых суб'ектаў!

Перыяд збору заявак: з 10 па 31 сакавіка.

Выбарчым суб’ектам могуць быць палітычныя партыі, устаноўчыя камітэты партый, арганізацыі грамадзянскай супольнасці, фракцыі КР дзейнага склікання, іх кааліцыі, ці групы грамадзян, якія аб’ядналіся для ўдзелу ў выбарах, якія адпавядаюць патрабаванням Палажэння аб выбарах.

Выбарчая камісія рэгіструе ўсе выбарчыя суб'екты, якія адпавядаюць наступным патрабаванням:

— маюць сваю назву; 
— маюць сваю палітычную праграму на перыяд не меншы за тэрмін паўнамоцтваў новага склікання КР і дэкларуюць каштоўнасці (прынцыпы ці ідэалогію), на аснове якіх сфармаваны выбарчы суб'ект; 
— падаюць спіс з не менш як 10 кандыдатаў у дэлегаты КР, якія выказалі згоду на ўдзел у выбарах у КР; 
— забяспечваюць гендарную квоту ў сваіх спісах на ўзроўні не менш 40% асобаў менш прадстаўленага полу ад агульнай колькасці чальцоў спіса; 
— прадстаўляе пісьмовую згоду ўсіх кандыдатаў спіса з палажэннямі Мемарандума аб прынцыпах і правілах удзелу ў выбарчай кампаніі.

Каб падацца на выбары, трэба запоўніць гэтую форму.

Усе дакументы, якія рэгулююць выбары, даступныя ў спецыяльным раздзеле на сайце КР.

Галасаванне запланавана на 11-17 мая.

Кантакт для пытанняў і скаргаў: office@radavoting.com