Што рабіць, калі беларускія спецслужбы спрабуюць завербаваць вас за межамі краіны? 

Беларускія спецслужбы ўсё часцей спрабуюць вербаваць грамадзянаў Беларусі за межамі краіны — у Літве, Польшчы, Грузіі і іншых дзяржавах. Дарадца Святланы Ціханоўскай па прававых пытаннях Леанід Марозаў у відэа патлумачыў, як паводзіць сябе ў выпадку спробаў вярбоўкі беларускімі спецслужбамі за мяжой:

1. Не адказвайце на падазроныя прапановы працы і паведамленні ад незнаёмых асобаў, нават калі яны ведаюць вашае поўнае імя.
2. Калі кантакт адбыўся — не згаджайцеся, не перадавайце асабістую інфармацыю, не дасылайце дакументы.
3. Калі вам пагражаюць або шантажуюць — адразу звяртайцеся ў паліцыю ці органы нацыянальнай бяспекі краіны, дзе вы знаходзіцеся.

«Беларусам у выгнанні трэба заставацца пільнымі і трымацца разам. Калі вы сутыкнуліся з падобнай сітуацыяй — не маўчыце і паведаміце пра гэта праваахоўным органам той краіны, дзе знаходзіцеся»,

— адзначыў Марозаў.