#e'lon

Hurmatli fuqarolar!

Sizni Markaziy bank va tijorat banklari hamkorligida tadbirkorlikni rivojlantirish, yangi biznes tashabbuslarini qo‘llab-quvvatlash va mavjud imkoniyatlar bilan tanishtirishga qaratilgan seminar hamda loyihalar yarmarkasiga taklif etamiz.

Seminarda, chorvachlik, parrandachilik, intensiv boglarni parpo etishga qaratilgan moliyaviy instrumentlar tog`risida tushunchalar beriladi.

Loyihalar yarmarkasida oʻz biznesini boshlamoqchi boʻlgan fuqarolarning gʻoyalarini amaliy loyihaga aylantirishga koʻmaklashuvchi ochiq maslahat beriladi.

Banklar tomonidan tashkil etilgan Loyihalar ofisida esa tayyor biznesni ishlab chiqish imkoniyati yaratiladi.

Manzil: Toshkent viloyati, Quyi Chirchiq tumani, “Madaniyat” MFY, Madaniyat saroyi

Sana: 14-avgust
Vaqti: 14:00

Barchangizni tadbirda kutib qolamiz!

Telegram Website YouTubeFacebook* TwitterInstagram*

#telenigoh

Mustaqilligimizning 35 yilligi munosabati bilan Yangiyo‘l tumanida “Ayol qadri ulug‘langan yurt”, “Mustaqillik — inson qadri bilan ulug‘” shiorlari ostida bayram festivali bo‘lib o‘tdi.

Bayram tadbirida yurtimizda ayolga bo‘lgan yuksak e’tibor, inson qadrini ulug‘lash borasida amalga oshirilayotgan ishlar hamda istiqlolning ezgu qadriyatlari tarannum etildi.

Festival tafsilotlari bilan “Fursat” telelavhasida tanishing.

Telegram Website YouTubeFacebook* TwitterInstagram*

#press_tur

Zamonaviy tipda bunyod etilgan viloyat Xalq qabulxonasiga press-tur tashkil etildi

Ayni paytda Toshkent viloyati hokimligi hamda O‘zbekiston Respublikasi Prezidenti Xalq qabulxonasi hamkorligida viloyatdagi yangi Xalq qabulxonasi faoliyati bilan jurnalist va blogerlarni yaqindan tanishtirish maqsadida press-tur bo‘lib o‘tmoqda.

Unda 20 dan ortiq ommaviy axborot vositalari vakillari ishtirok etmoqda.

Press-tur doirasida O‘zbekiston Respublikasi Prezidenti Xalq qabulxonasi boshlig‘i Farruh Omonov hamda Toshkent viloyati Xalq qabulxonasi boshlig‘i o‘rinbosari Nasiba Kulbekova OAV vakillariga yangi qabulxonaning faoliyati, fuqarolar murojaatlari bilan ishlash tizimi hamda murojaatlarni ko‘rib chiqish va nazorat qilish jarayonlari haqida ma’lumot bermoqda.

Shuningdek, jurnalist va blogerlarga fuqarolar murojaatlarini qabul qilish, ularni o‘rganish, tegishli tashkilotlar bilan hamkorlikda yechim topish hamda murojaatlar ijrosini nazorat qilish jarayonlari namoyish etilmoqda.

Press-tur davomida OAV vakillari yangi Xalq qabulxonasida fuqarolar uchun yaratilgan sharoitlar va murojaatlar bilan ishlashning zamonaviy mexanizmlari bilan yaqindan tanishmoqda.

Telegram Website YouTubeFacebook* TwitterInstagram*

#murojaat

Toshkent viloyati prokurori A.E.Mirzayev mahallalarda xavfsiz muhitni yaratish, jinoyatchilik va huquqbuzarliklarga qarshi birgalikda kurashish bo‘yicha viloyat aholisiga murojaat yo‘lladi.

Batafsil

Telegram Website YouTubeFacebook* Twitter Instagram*

#seminar

Sanoat korxonalarida mehnat unumdorligini oshirish va samaradorlikni yuksaltirish masalalari muhokama qilindi

Olmaliq davlat texnika instituti binosida Germaniya xalqaro hamkorlik jamiyati hamkorligida Integration xalqaro konsalting kompaniyasi eksperti Atanas Kochov hamda Makroiqtisodiy va hududiy tadqiqotlar instituti mutaxassislari ishtirokida o‘tkazilgan seminarda hududdagi sanoat korxonalarining vakillari uchun amaliy bilim va tavsiyalar taqdim etildi.

Seminar davomida korxonalarda foydalanilmayotgan resurslardan samarali foydalanish va toza ishlab chiqarish (RECP), Lean Management, Six Sigma metodologiyalari, shuningdek, ISO sertifikatlash tizimi bo‘yicha ilg‘or xalqaro tajribalar va amaliy yondashuvlar muhokama qilindi.

Tadbirda sanoat korxonalari, viloyat hokimligi, tuman va shahar hokimliklari, Iqtisodiyot va moliya bosh boshqarmasi, oliy ta’lim muassasalari hamda ommaviy axborot vositalari vakillari ishtirok etdi.

Seminar yakunida viloyat hokimi o‘rinbosari R. Kunarov va Integration xalqaro konsalting kompaniyasi eksperti Atanas Kochov o‘rtasida ilg‘or xalqaro tajribalarni Toshkent viloyatidagi mahalliy sanoat korxonalari faoliyatiga amaliyotga yo‘naltirilgan tarzda joriy etish bo‘yicha hamkorlikni davom ettirishga kelishib olindi.

Mazkur tashabbuslar viloyat sanoat korxonalarida ishlab chiqarish jarayonlarini optimallashtirish, ortiqcha xarajat va yo‘qotishlarni kamaytirish, mehnat unumdorligini oshirish hamda raqobatbardoshlikni yuksaltirishga xizmat qiladi.

Telegram Website YouTubeFacebook* TwitterInstagram*

#Uzum_sayli

“Uzum sayli” xalqaro festivaliga 8 kun qoldi!

Manzil:Parkent tumani, Zarkent qishlog‘i.

Sana: 21-22-avgust kunlari.

Joylashuv manzili

Telegram Website YouTubeFacebook* TwitterInstagram*

#bunyodkorlik

O'n yil tashlandiq yotgan hududda — mega investitsion loyiha

Har bir sent investitsiya — bu yangi ish o‘rni, yangi mahsulot, yangi texnologiya, mahalliylashtirish, eksport va eng muhimi, oddiy odamlar uchun yangi daromad manbai degani.

Nurafshon shahrida qariyb 10 yil davomida tashlandiq holda yotgan 20 gektarlik hudud bugun butunlay yangi qiyofa kasb etmoqda.

✅ 120 million dollar to‘liq Xitoy investitsiyasi hisobidan moliyalashtirilgan "DA SHUN GROUP" texnoparkining ishga tushirilishi natijasida 300 dan ortiq yangi ish o‘rni yaratildi.

Eng muhimi, uzoq vaqt foydalanilmay turgan hudud bugun zamonaviy ishlab chiqarish, sanoat va tadbirkorlik rivojlanayotgan mega loyihaga aylanmoqda. Bu yerda zamonaviy texnologiyalar asosida mahsulot ishlab chiqarilib, yangi imkoniyatlar yaratilmoqda.

Telegram Website YouTubeFacebook* TwitterInstagram*

#chorlov

Joriy yil 21-22-avgust kunlari Parkent tumani, Zarkent qishlog‘ida “Uzum sayli” xalqaro festivali bo‘lib o‘tadi.

Barcha yurtdoshlarimizni Parkentning betakror va go‘zal tabiatidan,  "Uzum sayli"ning chinakam zavqidan bahra olishga chorlaymiz!

Sayilga marhamat!

Telegram Website YouTubeFacebook* TwitterInstagram*

#ibrat

Farzandlari kelajagi uchun kurashayotgan matonatli ona

Qibray tumanining "Sharq" mahallasida yashovchi Oliyaxon Rasulova hayot sinovlari qarshisida taslim bo‘lmagan, aksincha, o‘z mehnati bilan oilasi kelajagini bunyod etayotgan ayollardan.

Qibray tumani hokimi Muzaffar Rashidov tashabbusi bilan tadbirkor Oliyaxon Rasulova uchun quyonchilikni yo‘lga qo‘yish, o‘zini o‘zi band qilish va oilasiga qo‘shimcha daromad yaratishi uchun zarur sharoitlar yaratildi.

II guruh nogironi bo‘lishiga qaramay, Oliyaxon mehnatdan qo‘l siltamadi. Bugun u quyonchilik bilan shug‘ullanib, halol mehnati orqali farzandlari kelajagi uchun harakat qilmoqda.

Uning hayoti bir haqiqatni isbotlaydi: insonning imkoniyatini cheklaydigan narsa sharoit emas, o‘ziga bo‘lgan ishonchni yo‘qotishdir.

Oliyaxonning har bir qadami - farzandlariga sabr, matonat va halol mehnatning eng katta sabog‘idir.

Telegram Website YouTubeFacebook* TwitterInstagram*

#telenigoh

Energiya barqarorligini ta’minlashda Toshkent viloyatining Yangiyo‘l tumani namunali hududga aylantirilmoqda

Telegram Website YouTubeFacebook* TwitterInstagram*

#hamkorlik

Xitoy ishbilarmonlari biznes uchun Toshkent viloyatidagi imkoniyatlarga qiziqish bildirmoqda

Toshkent viloyati hokimi Zoyir Mirzayev Xitoyning yirik kompaniyalari rahbarlari va ishbilarmon doiralari vakillari bilan uchrashuv o‘tkazdi.

Muloqotda YEMA GROUP CO., LTD, Sichuan Hebang Investment Group Co., Ltd., China Feihe Limited, Zhejiang ZHINK Group Co., Ltd., Beijing Century Beking Furniture Co., Ltd. hamda Inner Mongolia Wantong Road and Bridge Group Co., Ltd. kompaniyalari rahbarlari ishtirok etdi.

Uchrashuvda Toshkent viloyatining investitsiyaviy salohiyati, sanoat va ishlab chiqarish imkoniyatlari, tabiiy resurslari, mavjud infratuzilmasi hamda yirik bozor sifatidagi afzalliklari haqida fikr almashildi.

Xitoylik ishbilarmonlar Toshkent viloyati bozoriga katta qiziqish bildirib, hududda o‘z biznes loyihalarini amalga oshirish va uzoq muddatli hamkorlikni yo‘lga qo‘yish imkoniyatlarini yuqori baholadilar.

Xususan, mineral resurslarni o‘zlashtirish, sanoat, oziq-ovqat va sut mahsulotlari ishlab chiqarish, to‘qimachilik, yangi materiallar, mebel sanoati, infratuzilma, qishloq xo‘jaligi hamda investitsiya loyihalarini amalga oshirish bo‘yicha hamkorlik istiqbollari muhokama qilindi.

Tomonlar o‘zaro manfaatli loyihalarni shakllantirish, investitsiya imkoniyatlarini chuqur o‘rganish va amaliy hamkorlikni yangi bosqichga olib chiqish bo‘yicha fikr almashdilar.

Uchrashuv yakunida istiqbolli yo‘nalishlar bo‘yicha hamkorlikni davom ettirish, investorlar bilan ishlashni tizimli tashkil etish va aniq loyihalarni amalga oshirishga kelishib olindi.

Telegram Website YouTubeFacebook* TwitterInstagram*