❗️2027-yil uchun oliy ta’limdan keyingi ta’lim kvotalari tasdiqlandi

O‘zbekiston Respublikasi Oliy ta’lim, fan va innovatsiyalar vazirining 2026-yil 11-avgustdagi 337-son buyrug‘i bilan qabul kvotalari tasdiqlandi.

✅ Jami kvotalar soni — 4 840 ta.

Ushbu kvotalar respublikadagi 234 ta ilmiy va ta’lim tashkilotlari kesimida taqsimlandi.

Kvotalar quyidagicha belgilangan:

🔹 stajyor-tadqiqotchilikka — 400 ta;
🔹 tayanch doktoranturaga — 3 900 ta;
🔹 doktoranturaga — 540 ta.

Facebook* | Instagram* | YouTube | Telegram

#korrupsiya

Korrupsiyaga qarshi kurash barchamizning vazifamiz

Korrupsiyaga qarshi kurashish maqsadida maxsus videorolik tayyorlandi. Ushbu rolik orqali jamiyatimizda halollik, adolat va qonun ustuvorligini mustahkamlashga qaratilgan muhim g‘oyalar yoritilgan.

Facebook* | Instagram* | YouTube|Telegram

#Eʼlon #Tanlov

Ijodiy ishlar tanloviga qabul muddati uzaytirildi!

Oliy ta’lim, fan va innovatsiyalar vazirligi hamda “Jadid” adabiy, ilmiy-ma’rifiy va ijtimoiy gazetasi tahririyati hamkorligida oliy ta’lim tashkilotlari talabalari o‘rtasida e’lon qilingan “Yagona Vatan, yagona xalq bo‘lib, yangi hayot va kelajak yaratamiz!” respublika tanlovi uchun ijodiy ishlarni qabul qilish muddati 20-avgustgacha uzaytirildi.

Eslatib o‘tamiz, tanlov she’r, hikoya, esse va maqola yo‘nalishlarida o‘tkaziladi:
Ijodiy ishlar 100 qatordan oshmagan, qo‘lda, husnixat bilan yozilgan hamda ilgari hech qayerda e’lon qilinmagan bo‘lishi lozim.
📅 Ijodiy ishlar 2026-yil 20-avgustga qadar qabul qilinadi.

📋 Tanlov nizomi

📥 Ishtirokchilar ijodiy ishini shaxsini tasdiqlovchi hujjat nusxasi, yashash manzili, oliy ta’lim tashkiloti va ta’lim yo‘nalishi ko‘rsatilgan ma’lumot bilan Toshkent shahri, Alisher Navoiy ko‘chasi, 69-uy manziliga pochta orqali yoki tanlovning @insho2026_bot Telegram boti orqali yuborishlari mumkin.

🏆 Tanlov g‘oliblari quyidagi pul mukofotlari bilan taqdirlanadi:

🥇 1-o‘rin – 25 million so‘m;
🥈 2-o‘rin – 10 million so‘mdan;
🥉 3-o‘rin – 5 million so‘mdan;
🎖 15 ta rag‘batlantiruvchi o‘rin – 2 million so‘mdan.

Bizni kuzating:

Instagram* | YouTube | Telegram

“Dolzarb 90 kun” viktorinasi test ishlash jarayoniga start berildi.

Testni ishlash uchun botga rasmdagidek /start bosib, keyin “Testlarni ishlash” tugmachasini bosasiz va testlar boshlanadi.

G‘oliblar quyidagicha taqdirlanadi:

GranPri (1 nafar) – Planshet 17 Max;
🥇1-o‘rin (2 nafar) – RGB Smart Google;
🥈2-o‘rin (3 nafar) – Smartwatch Ultra 3;
🥉3-o‘rin (4 nafar) – Quloqchin.

Batafsil ma’lumot olish
Viktorinada ishtirok etish

🔹Bugungi testlarni ishlash soat 21:00 da yakunlanadi. Ertaga ham 50 ta test ishlash kerak bo‘ladi. Agar referal yetarli emas deb chiqsa, bugun ham referal yig‘ish mumkin.
🔹Bugun va ertangi jami 100 ta testdan kamida 44 ball yig‘gan ishtirokchilar QR-kodli sertifikat bilan taqdirlanadi!

Yosh olima ayollar uchun maxsus loyiha

Mustaqilligimizning 35 yilligi munosabati bilan “Yoshlar va ilm-fan” jurnali yosh tadqiqotchi xotin-qizlar o‘rtasida “Women in science” tanlovini e’lon qildi. Unda barcha xotin-qizlar o‘z maqolalari bilan ishtirok etishlari mumkin.

Maqolalar @yoshlar_ilm_fan_bot manzili orqali quyidagi yo‘nalishlarda qabul qilinadi:

Texnika fanlari;
Tabiiy fanlar;
Ijtimoiy-gumanitar fanlar.

Tanlov doirasida saralangan eng yaxshi maqolalar bepul nashr etiladi hamda g‘oliblar sertifikat va qimmatbaho sovg‘alar bilan taqdirlanadi.

Qabul muddati: 2026-yil 25-avgustgacha

Bizni kuzating:

Instagram* | YouTube | Telegram

#чорвадорларга_тавсия
 
Таклиф билдиринг: ижроси ўрганилиши аниқ!
 
Президент қарорига кўра, эндиликда ҳар йили 1 февралдан ва 1 июлга қадар чорвачиликка ихтисослашган маҳаллаларда чорва молларини боқиш истагини билдирган ташаббускорлар таклифи шакллантирилади.
 
Бу ишга Камбағалликни қисқартириш ва бандлик вазирлиги, Қорақалпоғистон республикаси Вазирлар Кенгаши ва вилоятлар ҳокимликлари масъул бўлади.
 
Ташаббускорларнинг таклифи амалиётга татбиқ этиш учун Чорвачилик ва яйлов хўжалигини ривожлантириш агентлигига тақдим этилади.
 
Бизни кузатишда давом этинг!
 
👉 Обуна бўлинг – @VeterinariansUzbekistan

Chorvachilik va baliqchilik loyihalari uchun 10 yilgacha imtiyozli kredit ajratiladi

Chorvachilik yoki baliqchilik sohasida loyiha boshlamoqchi bo‘lgan tadbirkor uchun eng muhim masalalardan biri — uzoq muddatli va qulay moliyalashtirish.

O‘zbekiston Respublikasi Vazirlar Mahkamasining 2026-yil 6-avgustdagi 435-son qarori bilan chorvachilik va baliqchilik sohasidagi loyihalarni davlat resurslari hisobidan tijorat banklari orqali moliyalashtirish mexanizmi joriy etildi.

Kreditning asosiy shartlari:
muddati — 10 yilgacha;
imtiyozli davr — 4 yil;
yillik foiz stavkasi — 10%;
shundan bank marjasi — 4% .

Ya’ni tadbirkorga loyihani ishga tushirish, ishlab chiqarish quvvatini shakllantirish va daromad olish uchun yetarlicha muddat berilishi belgilandi.

Loyihaning yo‘nalishiga qarab kredit miqdori 5 milliard so‘mdan 20 milliard so‘mgacha bo‘lishi mumkin.

5 milliard so‘mgacha mablag‘:
chorvachilik va baliqchilik majmualarini tashkil etish;
🏗qurish, rekonstruksiya qilish va mukammal ta’mirlash;
nasldor yirik va mayda shoxli mollar;
naslli baliqlar xaridi kabi maqsadlarga yo‘naltiriladi.

20 milliard so‘mgacha kredit esa yirikroq loyihalar, jumladan:
naslli buqalar urug‘ini yetishtirish korxonalarini tashkil etish;
qurilish va asbob-uskunalar xaridi;
naslli qoramollar xaridi;
baliqchilik, shu jumladan naslli baliq yetishtirish loyihalarini moliyalashtirishga beriladi.

Kredit resurslari Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi tomonidan ajratiladi.

Jamg‘arma mablag‘larni tijorat banklariga yillik 6% stavkada, 10 yil muddatga va 4 yillik imtiyozli davr bilan joylashtiradi.

Shu bilan birga, kredit olish avtomatik tarzda amalga oshirilmaydi. Bank qarz oluvchining moliyaviy holati, to‘lov qobiliyati, to‘lov intizomi va kredit tarixini baholaydi.

Kredit ta’minoti sifatida mol-mulk garovi, kreditni qaytarmaslik xavfini sug‘urtalash, uchinchi shaxs kafilligi va qonunchilikda nazarda tutilgan boshqa ta’minot turlari qabul qilinishi mumkin.

Kredit olish uchun arizani "Agroplatforma" axborot tizimi orqali elektron shaklda taqdim etish mumkin.

Telegram  Facebook*
Instagram* Youtube
Twitter

#Ogohlik #Rasmiy_munosabat

Fuqarolarni firibgarlardan ehtiyot boʻlishga chaqiramiz

Buxoroda fuqaroni bir yoʻla 4-kursdan oʻqishga kiritib qoʻyishni vaʼda qilib, undan 26 million soʻm olgan shaxs ushlangani haqida xabar tarqaldi.

Oliy taʼlim, fan va innovatsiyalar vazirligi fuqarolarni oʻqishga kiritib qoʻyish, imtihon natijasini oʻzgartirish, oʻqishni koʻchirish yoki boshqa masalalarni pul evaziga hal qilib berishni vaʼda qilayotgan shaxslarga ishonmaslikka chaqiradi.

Oliy taʼlim tashkilotlariga qabul jarayonlari qonunchilikda belgilangan tartib va mezonlarga ko‘ra, xususan, davlat va nodavlat oliygohlariga xorijiy oliygohlardan o‘qishni ko‘chirish BMBA tomonidan o‘tkaziladigan test sinovlari natijalariga asosan amalga oshiriladi.

Fuqarolardan taʼlim sohasidagi masalalarni "tanish-bilish" yoki pul evaziga hal qilib berishni taklif qilayotgan shaxslarga nisbatan hushyor boʻlish, shaxsiy maʼlumotlar va mablagʻlarni bermaslik soʻraladi.

Shuningdek, bunday holatlarga duch kelgan fuqarolardan huquqni muhofaza qiluvchi organlarga murojaat qilishlari soʻraladi.

Eslatma: taʼlim olish huquqingizni firibgarlarga ishonib xavf ostiga qoʻymang. Rasmiy maʼlumotlarni faqat vazirlik va oliy taʼlim tashkilotlarining rasmiy manbalaridan oling.

Korrupsiyaga duch kelsangiz, quyidagi aloqa manzillariga murojaat qilishingizni so‘raymiz:

Korrupsiyaga qarshi kurashish agentligi Call-markazi – 1253
Oliy ta’lim, fan va innovatsiyalar vazirligi Ishonch telefoni – 1006, anticor@edu.uz elektron pochta.

Facebook* | Instagram* | YouTube | Telegram

🚀 "35 000 tashabbus" umummilliy dasturiga start berildi

Siz ham yurtimiz rivojiga oʻz hissangizni qoʻshmoqchimisiz?

Unda jamiyat va davlat taraqqiyotiga xizmat qiladigan innovatsion gʻoya yoki tashabbusingizni taqdim eting.

🟢Taʼlim, fan, texnologiya, ekologiya, tadbirkorlik, madaniyat yoki boshqa istalgan yoʻnalishdagi har bir foydali tashabbus muhim.

📌 Tashabbusingizni yuboring: tashabbus.yito.uz⁠

Tashabbuslar 1-avgustdan 31-avgustgacha qabul qilinadi

🇺🇿Katta oʻzgarishlar bitta tashabbusdan boshlanadi. Sizning gʻoyangiz esa Yangi Oʻzbekiston taraqqiyotining navbatdagi qadami boʻlishi mumkin.

Telegram |✅Veb-sayt✅You Tube✅Facebook*✅Instagram*

#live

38-Xalqaro informatika olimpiadasining tantanali ochilish marosimi bo‘lib o‘tmoqda

O‘zbekistonda ilk bor o‘tkazilayotgan “IOI-2026” doirasida dunyoning turli mamlakatlaridan tashrif buyurgan iqtidorli yosh dasturchilar Toshkentda jam bo‘ldi.

Olimpiadaning ochilish marosimini quyidagi ijtimoiy tarmoqlar orqali jonli kuzatishingiz mumkin:

https://youtube.com/live/ArDnzvUIJe4?feature=share

https://www.facebook*.com/share/v/1CuKadGfhx/

https://youtube.com/live/WJ_917PpVmI?feature=share

Bizni kuzating

Facebook* | Instagram* | YouTube | Telegram

Bakalavriat taʼlim yoʻnalishlariga oʻtkazilgan suhbat natijalari eʼlon qilindi

Filialda texnikumlarni muvaffaqiyatli tamomlagan bitiruvchilarni oliy taʼlim muassasasining bakalavriat taʼlim yoʻnalishiga suhbat asosida oʻqishga qabul qilish jarayoni boʻlib oʻtdi.

Suhbat jarayonlarida filial direktori N.Yuldashov hamda komissiyasi aʼzolari ishtirok etib, abituriyentlarning bilimi, dunyoqarashi va kasbiy tayyorgarligini xolisona baholadilar.

Belgilangan tartibga koʻra:
Suhbat komissiyasi aʼzolari tomonidan qoʻyilgan ballarning oʻrtachasi 67 ball va undan yuqori boʻlganda abituriyent suhbatdan oʻtgan hisoblanadi. Oʻtkazilgan suhbat natijalariga koʻra, 4 nafar abituriyent ushbu talabni bajardi va suhbatdan muvaffaqiyatli oʻtdi!

Suhbatdan muvaffaqiyatli oʻtgan barcha abituriyentlarimizni samimiy tabriklaymiz va kelgusi oʻqishlarida zafarlar tilaymiz!

Telegram |✅Veb-sayt✅You Tube✅Facebook*✅Instagram*