Тошкент тумани ҳокими ҳайфсан олиши эмас, мукофотланиши керак

Тўғриси, кулишниям, йиғлашниям билмайсан.

Шонли энергетикларга кўра, бошқа бир неча туман ҳокимлари қаторида Тошкент тумани ҳокими С.Эргашевга электр энергияси ва табиий газни иқтисод қилиш бўйича белгиланган режага амал қилмагани учун ҳайфсан берилган.

Товба, Тошкент ва унинг атрофида свет ва газ энг кўп ўчирилиши Тошкент туманида бўлса, яна қанақа тежаш керак?Бирон бир кун йўқки, туманнинг қайсидир мавзесида ё свет, ё газ ўчирилмаса. Масалан, индингаям Ҳасанбой тарафда газ ўчирилади.

Туманда 99 фоиз иссиқхона, цехлар газдан узилган бўлса. Бузуқ режангизни бажариш учун яна нима қилиши керак, айтинглар. Балки ҳокимимиз (ўлай агар танимайман) кўпроқ халқпарварлик қилвораяптими, наздингизда?

Ўрнатган KPIларинг тарих китобларига киради. Латифалар тўқилади ҳали.