"Табиий газ қазиб олиш ҳажмини 62 миллиард куб метрга етказиш"

Ўзбекистон-2030 Стратегиясига кўра газ қазиб олиш ҳажмини 62 млрд.кубга етказиш вазифаси қўйилмоқда.

Охирги марта Ўзбекистонда 62 млрд.куб ва ундан кўпроқ газ 12 йил аввал, 2011 йилда қазиб олинган. Шундан буён газ қазиб олишда пасайиш тенденцияси ўзгаргани йўқ. Ўтган 2022 йилда 48 млрд.куб газ қазиб олинган, агар мўъжиза рўй бермаса, бу йил газ қазиб олиш янада қисқаради ва 45-46 млрд.кубни ташкил этади.

Лойиҳа билан солиштирилганда Стратегияда "Энергия ресурслар бозорини эркинлаштириш бўйича ислоҳотларни якунига етказиш орқали соҳага хусусий инвесторларни жалб этиш" вазифаси ўрнига "Энергия ресурслари бозорини тартибга солиш бўйича мустақил регуляторни ташкил этиш, электр энергиясини сотиб олиш, сотиш ва етказиб бериш функцияларини ажратиш" вазифаси қўшилган.

Шунингдек, "Электр энергиясини ишлаб чиқариш ҳажмини 118 миллиард кВтга етказиш" мақсадли кўрсаткичи "Иқтисодиёт тармоқлари ва аҳоли эҳтиёжи учун етказиб бериладиган электр энергия
миқдорини 120 миллиард кВтга етказиш" этиб ўзгартирилган. Яъни генерация бўйича ориентир ўрнини истеъмол бўйича ориентир эгаллаган (импорт ҳисобига таъминлаш мумкин)