Яндекс ҳам йўқ, UzIMEI ҳам, маркировкалаш қироли ҳам рўйхатда йўқ

Бекорга олдиндан хурсанд бўлган эканмиз. Янги Ўзбекистонда қонунлардан устувор истиснолар борлигини унутиб қўямиз.

Эълон қилинган Жамоат аҳамиятига эга ташкилотлар реестрига шу пайтгача ёпиқ бўлиб фаолият кўрсатаётган, лекин триллионлаб даромад ва активларга эга чиқаётган қатор конторалар қўшилмаган.

Яндекс (ёки унинг шўъбалари) йўқ. Wildberries йўқ.

UzIMEI (оператори Information Technology Center) йўқ.

Маркировка қироли (CRPT TURON) йўқ.

Enter йўқ, Eriell йўқ.

Gid License Plate йўқ, Uzavtomotobelgi (Uzavtomotoservis этиб ўзгартирилган) йўқ...

Ҳавошканинг нонини туя қилиб семираётган айрим чўнтак авиакомпаниялар йўқ.

Бу дегани реестрга тушмаган компаниялар жамоатчиликдан ёпиқ фаолиятларини давом эттираверади. «Мезонга тушмади» деган баҳона унчалар қовушмаса керак, бутун Ўзбекистон бозорини яккахонига айланиб, маъмурий ресурсларидан фойдаланиб яккашохга айланган ва боринг ана, триллионлаб солиқ тўлаб мезонга тушмаслигига ишонасизми?