Mobiuz'нинг "хусусийлаштирилиши" "ғолиб" аниқлангунча чўзиладими?

Давактив 3 ойдан кўпга чўзилиб кетган ғаройиб сукутдан сўнг, Mobiuz уяли алоқа операторини хусусийлаштириш бўйича яна овоз чиқарди.

Маълум қилинишича, Mobiuz талабгорлари 2026 йил 20 апрель соат 23:59 (Тошкент вақти билан)га қадар аввал тақдим этилган Мажбуриятга эга бўлган таклифлари (BO)ни қайта тақдим этишлари мумкин. Бу иккинчи марта " таклифларни яхшилаш" воситасида жараённинг чўзилиши.

Давактив ўтган йилнинг охирида энг юқори сотиб олиш қиймати ва битимнинг бошқа муҳим жиҳатлари бўйича энг рақобатбардош шартларни таклиф этган 3 нафар талабгор аниқланганини эълон қилиб, уларга таклифларини янада яхшилаш учун 2026 йил 23 январга қадар қўшимча муддат берганди.

Mobiuz'нинг иккинчи марта "хусусийлаштирилиши" ҳам алоҳида тарих бўладиган кўринади.