12,25 фоиздан 12,2 триллион сўм

1 апрель куни 1 млрд АҚШ доллари эквивалентида (12,2 трлн.сўм) миллий валютадаги суверен халқаро облигациялари 12,25 фоиз ставкадан жойлаштирилган. Облигациялар муддати 3 йил.

Бу сўмда чиқарилган суверен облигацияларнинг энг йирик, энг арзон жойлаштирилуви экани ва ички бозордаги шаклланган ставкалардан 14 базис пункт пастлиги таъкидланмоқда (энг қиммат ставкали жойлаштирилув 2024 йил майдаги 3 трлн.сўмлик чиқарилувга оид - 16,625%).

Лондон биржасида инвесторлар учун жойлаштирилган таклифга кўра, 2026 йил 12 октябрда сўндириладиган 4,25 трлн.сўмлик облигациялар муддатидан олдин сотиб олиниши мумкин, яъни эҳтимолки, янги чиқарилувдан маблағларнинг бир қисми 2023 йил октябрдаги чиқарилув бўйича мажбуриятларни қоплашга ҳам йўналтирилиши мумкин.

Иқтисодиёт ва молия вазирлигига кўра, облигацияларни жойлаштиришдан келиб тушган маблағлар Давлат бюджети тақчиллигини молиялаштириш учун йўналтирилади.