​Охирги 3 йилда олтин олганлар омонат қўйган ва уй-жой олганларда кўпроқ даромадга эга бўлган

Марказий банк 2020-2025 йилларда аҳолига сотилган ва қайта сотиб олинган олтин қуймалар тўғрисидаги ҳисобот билан бўлишган.

6 йилда жами 1,2 тонна оғирликдаги 65 150та қуйма сотилган бўлса, 201 кило оғирликдаги 11 828та қуйма қайтариб сотиб олинган. Шунингдек, номсиз металл ҳисобварақаларда 169,74 кило олтин депозит ҳам шаклланган.

Сонда энг кўп сотилаётган ва қайта асотиб олинаётган қуймалар бу 5 ва 10 граммлик қуймалар ҳисобланади. Хусусан, 5 граммлик қуймаларнинг қарийб 20%и қайтариб сотилган. Яъни олтин қуймалардан нафақат жамғариш, спекулятив даромад олиш учун ҳам фойдаланилмоқда.

Оғирлик нисобидан энг кўп сотилаётганига қарамай, энг кам қайтариб сотилаётган қуймалар — 100 граммлик қуймалар, мазкур оғирликдаги қуймалар ўрта ва узоқ истиқбол учун жамғариш воситасига айланмоқда.

Ойлик сотув ҳажмлари ва олтин котировкаларига қаралса, нарх кескин ошганда сотувлар кескин кўпайганини, тушганда ёки барқарорлашганда ва тушганда эса сотувлар камайганини кўриш мумкин. Бу олтинсеварларда ҳали етарли кўникмалар, таҳлил ва тажриба шаклланмаганини кўрсатади.

Охирги 3 йилда олтин олганлар миллий ва хорижий валютадаги банк депозитларидан кўпроқ даромадга эга бўлишган. Аниқ айтиш мумкинки, охирги 3 йилда олтин олганлар нафақат омонатчилар, кумулятив ҳисоблаганда уй-жой олганлардан ҳам кўпроқ ютишган.

Лекин 2026 йил талотўпларида бу тенденциянинг давом этиши саволли. Охирги 40 кунда қандай баҳоланмаган ва кутилмаган омиллар олтинга таъсир қилаётганини ўзингиз кўриб турипсиз.

Регулятор ҳам огоҳлантирмоқда: Олтин активларининг даромадлилиги кўпроқ жаҳон бозоридаги нарх динамикасига боғлиқ бўлиб, унинг келгусидаги даромадлилиги олдиндан кафолатланмайди.