​Ривалдонинг Ўзбекнефтегаз бўйнига илинган қарзи нима бўлди экан?

Ҳар гал ўтган эпоханинг тиллатопар пудратчиларидан бўлган «Нефтгазмонтаж» ҳақида хабар чиқса, Ривалдонинг қарзини ёпиб бўлишдимикан, деган ўй ўтади. Қарз ёмон нарсада, ҳақдор қарғайди, қарздорнинг бири икки бўлмайди.

2 йил олдинги хабарларда Бунёдкор ва Қурувчининг "номаълум оталари" томонидан Ўзбекнефтегаз бўйнига илиб кетилган қарз — Денилсонга 2026 йилгача уч қисмга бўлиб, Ривалдо билан ҳисоб-китоб эса 2028 йилга қадар ҳар йили бир мартадан амалга ошириладиган бўлди, дея айтилганди.

Шундан кейин, 2024 йил кузга бориб Нефтгазмонтаж хусусийлаштирилиши эълон қилинди. Ўшанда Нефтгазмонтаж 100% улуши Давактивга ўтказилганди. Бугун ўтказилган мажлисдаги топшириқлар ва вазифаларга қараганда, Нефтгазмонтаж яна Ўзбекнефтегаз шўъбасига айланганга ўхшайди. Очиқ маълумотларга кўра, Нефтгазмонтаж МЧЖ ҳалиям Давактив назоратида ва банкрот деб эълон қилинган.