Электросамокат минишга ҳам "права" керак бўладими?

Ҳукумат қарори билан тасдиқланган Йўл ҳаракати қоидаларига киритилган ўзгартириш ва қўшимчаларга кўра, энди нафақат скутер ва мопедлар учун, тезлиги соатига 25 километрдан ошмайдиган, иш ҳажми 25 см3 гача бўлган ички ёнув двигателига эга бўлган ёки номинал (белгиланган) қуввати 0,25 киловаттгача бўлган кичик ҳажмдаги мототранспорт воситаларида ҳаракатланиш учун ҳам А1 тоифадаги ҳайдовчилик гувоҳномаси талаб қилинади.

Аввалроқ, ўтган йили октябрда скутер ва мопед ҳайдовчиларига "енгиллик бериш" важи билан А1 тоифадаги ҳайдовчилик гувоҳномаси жорий этишганида буни кўпчилик эътиборсиз қолдирганди.

Ўзгартириш ва қўшимчалар мазмунидан келиб чиқилса, айтайлик, электросамокатдан фойдаланишга ҳам права керак бўладиган. Энди навбат велосипедгами ё коляскаларга?