bakiroo
@the_bakiroo
bakiroo
1 апрель ҳазили эмас: техпаспорт энди ҳар 5 йилда алмашади
Ҳукумат қарори билан, автомототранспорт воситасини рўйхатдан ўтказиш ҳақидаги гувоҳнома 5 йил муддатга расмийлаштирилиши белгиланган. Бу "техпаспорт" ҳар 5 йилда алмашади дегани.
2 йил аввал автотранспорт воситаларини рўйхатдан ўтказиш учун тўлов миқдор базавий ҳисоблаш миқдорининг 0,1 баробаридан 6,84 бараваригача, яъни 68,4 карра оширилган эди.
Янги товон учун янги миқдорда тўлов белгиланадими ёки 6,84 БҲМ ёки 2 818 080 сўм тўлашга тўғри келадими?
Қизиқ тарафи, автомототранспорт воситасини рўйхатдан ўтказиш ҳақидаги гувоҳнома 5 йил муддатга расмийлаштирилиши талаби, худди 2 йил аввал автотранспорт воситаларини рўйхатдан ўтказиш учун тўлов 68,4 карра оширилгандаги каби ҳеч қаерда муҳокамага қўйилмаган. Бунга қайси сабаблар асос ва зарурият бўлгани ҳам изоҳланмаган.
Янги ўлпоннинг қиймати қанча? Кейинги ўлпон қандай бўлади?
Ҳар йили камида бир миллион автотранспорт воситаси рўйхатга олинаётгани ҳисобга олинса (мопед ва скутерлар билан янада кўпроқ), ҳар йили камида бир миллион "техпаспорт" устига қўшимча равишда 5 йилдан ошган автотранспортлар бўйича яна бир миллион "техпаспорт" алмашади. Бу навбатдаги "энновация"нинг пулдаги қиймати қайси "инвестор"нинг чўнтагига тушади ва қандай тақсимланади?
Агар техпаспортни ҳар 5 йилда алмаштириш тўлови автотранспорт воситаларини рўйхатдан ўтказиш учун тўлов миқдори даражасида қолса, бу қўшимча яна 2,8 трлн.сўм дегани.
Авторақамлар-чи? Техпаспортни ҳар 5 йилда алмаштириш ўлпонини ўйлаб топганлар авторақамларниям ҳар 5 йилда алмаштиришни ва янгитдан тўлов қилишни талаб қилиб қолмайдими? Балки ҳар 5 йилда "права" учун янгитдан ягона имтиҳон марказида имтиҳон топширишниям жорий қилиш керакдир? Абсурднинг боши бор, охири йўқ — чексиз таласа бўлади. Агар гап тийилмаган "энноваторлар" ҳақида кетаяпган бўлса.
Ҳар йили камида бир миллион автотранспорт воситаси рўйхатга олинаётгани ҳисобга олинса (мопед ва скутерлар билан янада кўпроқ), ҳар йили камида бир миллион "техпаспорт" устига қўшимча равишда 5 йилдан ошган автотранспортлар бўйича яна бир миллион "техпаспорт" алмашади. Бу навбатдаги "энновация"нинг пулдаги қиймати қайси "инвестор"нинг чўнтагига тушади ва қандай тақсимланади?
Агар техпаспортни ҳар 5 йилда алмаштириш тўлови автотранспорт воситаларини рўйхатдан ўтказиш учун тўлов миқдори даражасида қолса, бу қўшимча яна 2,8 трлн.сўм дегани.
Авторақамлар-чи? Техпаспортни ҳар 5 йилда алмаштириш ўлпонини ўйлаб топганлар авторақамларниям ҳар 5 йилда алмаштиришни ва янгитдан тўлов қилишни талаб қилиб қолмайдими? Балки ҳар 5 йилда "права" учун янгитдан ягона имтиҳон марказида имтиҳон топширишниям жорий қилиш керакдир? Абсурднинг боши бор, охири йўқ — чексиз таласа бўлади. Агар гап тийилмаган "энноваторлар" ҳақида кетаяпган бўлса.
Telegram
davletovuz
Яна ўлпон
Автомототранспорт воситасини рўйхатдан ўтказиш ҳақидаги гувоҳнома 5 йил муддатга расмийлаштирилиши белгиланди — ҳукумат қарори
203 31.9K
Обсуждение 0
Обсуждение не доступно в веб-версии. Чтобы написать комментарий, перейдите в приложение Telegram.
Обсудить в Telegram