​Давлат банкларидаги омонатлар қолдиғи хусусий банклардагидан икки карра тезроқ ўсган

Февраль ойи давомида банклардаги жами депозитлар қолдиғи 1,9 трлн.сўмга ўсиб, 421,9 трлн.сўмга етган. Бунда аҳоли омонатлари қолдиғи 3,4 трлн.сўмга кўпайган бўлса, корпоратив депозитлар қолдиғи 1,5 трлн.сўмга камайган.

Ой давомида Агробанк (+1,7 трлн.сўм), Октобанк (+744 млрд.сўм) ва Капиталбанк (+706 млрд.сўм) энг кўп депозит ўстира олган.

Энг кўп аҳоли омонатларини давлат банклари жамлашда давом этишмоқда. Бу секторда ҳам яна Агробанк етакчи бўлган (+879 млрд.сўм). Миллийбанк (+514 млрд.сўм) ва Халқ банки (+445 млрд.сўм) кейинги ўринларда қолган.

Омонатларнинг давлат банкларига қараб фаол оқиши тенденцияси ўтган йили февраль ойидан кафолатлаш билан боғлиқ қонунчилик ўзгариши ва шунингдек, март ойида фоизларнинг пасайиши фонида бошланган эди ва ҳануз давом этмоқда. Ўтган 1 йил давомида 9та давлат бонкасидаги аҳоли омонатлари қолдиғи 45,5%га (+24,5 трлн.сўм) ўсган бўлса, 25та хусусий банкдаги омонатлар қолдиғи 22,1%га кўпайган холос (+15,5 трлн.сўм).