​Ипотека асосий кредит маҳсулотига айланган

Февраль ойида банкларнинг кредит портфели қолдиғи 3,3 трлн.сўмга ўсган ва 613,7 трлн.сўмга етган. Бунда чакана кредитлар 2,0 трлн.сўмга, корпоратив кредитлар эса 1,3 трлн.сўмга ўсган.

Банкларнинг асосий кредит маҳсулоти ниҳоят ипотекага айланмоқда (+1,0 трлн.сўм). Автокредитлар сифатида таснифланган кредитлар қолдиғи қисқарган (-166 млрд.сўм). Ўтган йиллар давомидаги асосий кредит маҳсулоти бўлган микроқарзларнинг ўсиши деярли тўхтаган (+116 млрд.сўм). Энди банклар хусусан, автокредитлашни ҳам ниқоблаётган ва пруденциал чеклов ўрнатилмаган микрокредитларга урғу беришмоқда (+872 млрд.сўм).

Февраль ойи давомида кредит портфелини Агробанк (+1,8 трлн.сўм), Ҳамкорбанк (+1,1 трлн.сўм) ва Халқ банки (+636 млрд.сўм) энг кўп ўстиришган.

Банк тизимида муаммоли кредитлар қолдиғи 896 млрд.сўмга ўсган ва 20,4 трлн.сўмга етган (NPL улуши 3,3%). Муаммоли кредитлар давлат банкларида, хусусан Миллий банк (+396 млрд.сўм), Ўзсаноатқурилишбанк (+331 млрд.сўм) ва Асакабанкда (+159 млрд.сўм) сезиларли суръатда ўсмоқда.