bakiroo
@the_bakiroo
bakiroo
1 апрелдан кейин улоқ қайси банкда бўлади?
Қайсики банк ёки банклар кўчмас мулк ва автомобиль сотувлари сегментидаги харидор ва сотувчиларни ўзига арзон, жозибали ва тезкор хизматлар билан қамраб ололса, бир сўз билан айтганда, самарали маркетинг билан иш ташкил этса, улоқ ўшанда бўлади.
Гап фақат эскроу ҳисобварақларга хизмат кўрсатиш комиссияларидан даромадлар ҳақида эмас, бу доимий оқим туфайли шаклланадиган маблағлар қолдиғи ҳам дегани (биржаларнинг клиринг ҳисобларига хизмат кўрсатадиган банклар тушунади). Эскроу ҳисобварақлар орқали қамраб олинган мижозларга кросс сотувлар ҳам бўлади (конверсиядан тортиб p2p, омонат ва кредитларгача).
Иқтисодий тадқиқотлар ва ислоҳотлар маркази маълумотларига кўра, 2025 йил 11 ойида 973 мингдан ортиқ автомобиль олди-сотдиси қайд этилган (йил якуни билан рақам миллиондан ошгани ва бундан камида 600 минг автомобиль иккиламчи бозорда сотилганини хомчўтлаш мумкин). Энг камтар ҳисоб-китобларни олсак ҳам, 3-5 миллиард долларлик сегмент.
Уй жой бозоридаги сотув операциялари сони 2025 йилда 295 мингтани ташкил этган. Бунинг камида 200 минги иккиламчи бозордаги сотувлар. Мазкур сегментда ҳам энг камида 4-5 млрд.долларлик ҳажм бор.
Бошқача айтганда, йиллик ҳисобда 8-10 млрд.долларлик транзакциялар банк тизимига қўшилади.
"Йилига 60−100 трлн атрофида пул банк тизимига киради"
Иқтисодиёт ва молия вазири ўринбосари Аҳадбек Ҳайдаровга кўра, уй-жой ва автомобиль харидлари нақдсиз шаклга ўтказилиши ортидан йилига б0−100 трлн.сўм атрофида пул банк тизимига киради. Газета кечаги анжуманда иштирок этган вазир ўринбосари сўзларини келтирмоқда. Аввалроқ, ўтган йилги битимлар сонидан келиб чиқиб, 8-10 млрд.долларлик транзакциялар банк тизимига қўшилишини хомчўт қилган эдик.
Аҳадбек Ҳайдаров, шунингдек, кўчмас мулк ва автомобиль олди-сотдисидан тушган маблағлар банклар учун жуда катта текин ресурс бўлиши ва кредитлар арзонлашишига олиб келишини прогноз қилган.
Дарвоқе, банкларнинг даромадлари ошиши фақат шу билан чекланмайди. Уй-жой ва автомобиль олди-сотдиси учун одатда валюта маблағлари тўпланиб бориши инобатга олинса, банкларнинг валюта хариди ва сотувида, курс фарқидан даромадлари ҳам сезиларли ортади. Нафақат банклар, монополист тўлов тизимларининг ҳам даромадлари ортади, чунки карталарга тушган нақд маблағлардан кейинги транзакциялар ҳажми кескин ортади. Шунинг учун, банклар ҳам, монополист тўлов тизимлари ҳам кирим билан боғлиқ комиссияларни пасайтириш ёки вақтинча бекор қилишдан фақат ютади.
Иқтисодиёт ва молия вазири ўринбосари Аҳадбек Ҳайдаровга кўра, уй-жой ва автомобиль харидлари нақдсиз шаклга ўтказилиши ортидан йилига б0−100 трлн.сўм атрофида пул банк тизимига киради. Газета кечаги анжуманда иштирок этган вазир ўринбосари сўзларини келтирмоқда. Аввалроқ, ўтган йилги битимлар сонидан келиб чиқиб, 8-10 млрд.долларлик транзакциялар банк тизимига қўшилишини хомчўт қилган эдик.
Аҳадбек Ҳайдаров, шунингдек, кўчмас мулк ва автомобиль олди-сотдисидан тушган маблағлар банклар учун жуда катта текин ресурс бўлиши ва кредитлар арзонлашишига олиб келишини прогноз қилган.
Дарвоқе, банкларнинг даромадлари ошиши фақат шу билан чекланмайди. Уй-жой ва автомобиль олди-сотдиси учун одатда валюта маблағлари тўпланиб бориши инобатга олинса, банкларнинг валюта хариди ва сотувида, курс фарқидан даромадлари ҳам сезиларли ортади. Нафақат банклар, монополист тўлов тизимларининг ҳам даромадлари ортади, чунки карталарга тушган нақд маблағлардан кейинги транзакциялар ҳажми кескин ортади. Шунинг учун, банклар ҳам, монополист тўлов тизимлари ҳам кирим билан боғлиқ комиссияларни пасайтириш ёки вақтинча бекор қилишдан фақат ютади.
44 19.7K
Обсуждение 0
Обсуждение не доступно в веб-версии. Чтобы написать комментарий, перейдите в приложение Telegram.
Обсудить в Telegram