Лойиҳа-сметаси йўқ АЭСга бетон қуйса бўлаверадими?

"АЭС вазирлиги" рапортига кўра, АЭС учун танланган майдонда бетон ишлари бошланган.

Spot тақдим этган суратлардан қий далада 2022 йил 24 февралда бирданига иккита АЭСга ҳужум қилган агрессор давлатнинг триколори фонида териб қўйилган бир неча бетон ташувчи техникани ва тупроқ устига ёйилаётган қиламиқ "стяжка"ни кўриш мумкин.

Расмий хабарлардан бетонни қайси қурувчи қуяяпти, қайси технологик занжир учун, буюртмаси ким, бетон ишларининг ҳажми ва қиймати қанча билиш имконсиз. АЭСнинг лойиҳа-сметаси тасдиқлангани ҳақидаги хабарлар ҳам яна кўзга ташлангани йўқ. Эҳтимолки ва умид қиламизки, бу сафарги фотосессия ҳам худди октябрдаги фотосессиянинг давоми холос.

Бунақа фотоссессияларни ҳар йили бир марта ўтказиб туриш мумкин. Бетон қуйиш, ариқ қазиш, кўчат экиш, сув қудуқ қазиш каби ишларни бемалол 2066 йилгача амалга ошираверсак, фотоҳисоботларни улашиб турсак бўлаверади.