APEX INSURANCE суғурта компаниясининг 2025 йилги молиявий кўрсаткичлари
 
APEX INSURANCE 2025 йил якунлари бўйича суғурта бозоридаги улушини 32 фоизга етказди. Суғурта мукофотлари ҳажми 4 122 млрд сўмни ташкил этиб, 2024 йилга нисбатан 50 фоизлик ўсиш қайд этилди.
 
Компания 900 млрд сўмлик устав капитали билан секторда етакчилик қилмоқда — бу мамлакатдаги жами суғурта компаниялари капиталининг 23 фоизи. Инвестициялар ҳажми бир йилда 109 фоизга ошиб, 2 011 млрд сўмга етган.
 
Кўрсатилган хизматлар сарҳисобига кўра, амалдаги полислар сони 1,5 миллионтага етган. Суғурта ҳодисалари бўйича тўланган маблағлар эса 868,5 миллиард сўмни ташкил этган. Энг муҳими, ҳар 100 та мурожаатдан 98 таси (98,4%) мижозлар фойдасига ижобий ҳал этилган.
 
Компания барқарорлиги S&P Global (BB), SNS Ratings (AAA) ва Ahbor-Reyting (uzA++) томонидан тасдиқланган.
 
Шунингдек, компания бош офиси APEX TOWERга кўчиб ўтди, 20 давлатдан 100 дан ортиқ делегат иштирокида FAIR Energy Insurance Forum ташкил этилди. Компания спорт, маданият ва илм-фан йўналишларидаги ижтимоий лойиҳаларни ҳам қўллаб-қувватлаб келмоқда.
 Реклама