​Очилмайдиган бошқа харажатлар ва фоиз харажатлари кескин ўсган

Давлат бюджетининг қарийб учдан бирини таркиби очилмайдиган бошқа харажатлар ташкил этган. Айнан бошқа харажатлар (+37,5%) ва фоиз харажатлари (+24,7%) 2025 йилда энг юқори даражада ўсган йўналишлар бўлган. Амалдорларимиз ҳар йилгидек, ўзларини ҳам унутишмаган. Бошқарув харажатлари 18,9%га ўсган.

Солиштириш учун, ижтимоий нафақалар қўшиб юборилган бошқа ижтимоий харажатлар атига 1,6%га, фан учун харажатлар эса 3,4%га ўсган холос. Яъни, инфляция даражаси ҳисобга олинса реал қийматда қисқарган.