​Йўламатол кўчалари асфальт бўлиши учун овоз керак

Айтайлик, қўшни Қирғизистоннинг Аравонига Йўламатолдан ҳам пиёда ва автомобиль йўллари учун ўтиш пункти бўлганида бу лой кўчалар ҳам эҳтимолки, асфальт бўлган бўларди. Болалар мактаб ва боғчага, катталар ишга, оқсоқоллар мачитга лой кечиб эмас, асфальт йўлдан юриб боришарди. Лекин ҳозирча бундай режалар йўқ (катта ташрифлар ҳам кутилмаяпти).

Шунинг учун Йўламатолликларга фақат Ташаббусли бюджетда ютиш варианти қолмоқда. Охирги 3 йилдаги кетма-кет уринишлар ҳозирча ғолибликка етарли бўлгани йўқ (нима қилайлик, чекка Марҳаматда лой кўчалар кўп, рақобат эса катта). Лекин чиқмаган жондан умид.

Бу йилги мавсумда Ташаббусли бюджетда Марҳаматнинг Йўламатоли кўчалари асфальт бўлиши учун овоз бердим. Азиз ўқувчилардан сўрайман: агар овозингиз банд бўлмаган бўлса, сиз ҳам қўшилинг.

Ҳавола: https://openbudget.uz/boards/initiatives/initiative/53/1f608fa1-4407-462e-bfe0-2b46cce9f26a