​2025 йилда Марказий банк соф интервенциялари қанча бўлган?

Марказий банк Пул бозори ва ликвидлик шарҳида иккинчи чорак кетма-кет олтин хариди ва валюта бозоридаги соф интервенциялар ҳажмини очиқламаган. 2024 йилда шу каби ҳолат биринчи чоракда кузатилганди.

2025 йил 1- чоракда 33,1 трлн.сўмлик олтин сотиб олинган ва 28,1 трлн.сўмлик соф валюта интервенциялари амалга оширилган.

2025 йил 2- чоракда 38,2 трлн.сўмлик олтин харид қилинган, соф валюта интервенцияси 41,8 трлн.сўмга етган. Яъни биринчи ярим йилликда нейтраллик тамойили деярли сақланган.

Иккинчи ярим йилликдаги вазият ҳақида балки яна қўшимча ахборот берилар.

Маълумот учун, 2025 йилнинг иккинчи ярмида Марказий банк захираларидаги олтиннинг физик ҳажми 830 минг унцияга ошган.

Юқори даражада умумий ликвидлилик сақланган 2025 йилнинг 3- ва 4- чоракларида ортиқча ликвидликни стериллаш учун қисқа муддатли облигациялар эмиссияси ва овернайт депозитлар асосий воситага айланган.

Яъни, олтиннинг юқори суръатда қимматлашуви пул-кредит операциялар мундарижасига корректировкалар киритган.