​Openbudget’да 16та шерикчилик лойиҳаси аллақачон ғолиб

Бугун “Ташаббусли бюджет”нинг 2026 йилги 1-мавсуми доирасида овоз бериш босқичи бошланди.

Лекин шерикчилик шартларида илгари сурилган 16та лойиҳа бугуннинг ўзида ғолиб деб топилди. Ғолибларнинг еттитаси Қашқадарёдан!

Айниқса, Чироқчининг Галабек маҳалласидагилар шижоатига қойил қолиш керак. Трансформатор ва симёғочлар ўрнатиш учун 40 млн.сўмлик лойиҳага маҳалла аҳли ўз ҳисобидан 20 млн.сўм қўшган. Энди тасаввур қилинг, шу лойиҳа Чироқчидан кўрсатилган 80та лойиҳа ичида ғолиб бўлиш эҳтимоли қанча эди? Овоз йиғишга, тарғиботга қанча маблағ кетарди?

Ватандошларимиз, айниқса кичик лойиҳалар учун шерикчилик форматининг афзаллигини тўла-тўкис тушуниб олсалар, бу форматга ҳимматли тадбиркорлар қўшилса, кўлам янада кенгаяди.