​Январда аҳоли омонатлари қолдиғи деярли ўсмаган

Январь ойида банклардаги жами депозитлар қолдиғи 2,8 трлн.сўмга ўсиб, 420,0 трлн.сўмга етган. Лекин ўсишни фақат корпоратив депозитлар таъминлаган.

Октобанк (+1,5 трлн.сўм), Халқбанки (+1,3 трлн.сўм) ва Ўзсаноатқурилишбанк (+1,2 трлн.сўм) энг кўп депозит жалб қила олган.

Yangi bank лицензияси чақириб олинган январь ойида аҳоли омонатлари қолдиғи деярли ўзгаришсиз қолиб, 160,5 трлн.сўмни ташкил этган. 13та банкда омонатлар қолдиғи қисқарган (уларнинг 12таси хусусий банк).

Айни пайтда аҳоли омонатлар давлат банклари томон оқиши янада фаоллашган. Ой давомида БРБ (+339 млрд.сўм), Миллийбанк (+318 млрд.сўм) ва Агробанк (+305 млрд.сўм) энг кўп омонат тўплай олган.