​Бензин импорти ҳажми ва нархлар янги рекордларни ураяпти

Ноябрда 52,3 млн.долларлик 80,1 млн.литрдан ортиқ бензин импорт қилинган. Бу очиқ маълумотлар мавжуд даврлар учун мутлақо янги рекорд (ўзи нефтни қайта ишлаш заводларимиз ишлаяптими, нега аксар АЁҚШларда фақат импорт бензин сотилмоқда, савол туғилади).

Дизель ёқилғиси импорти ноябрда гарчи 33,6 млн.долларгача камайган бўлсада, 11 ойдаги импорт ҳажми 500 млн.долларга етган. 4 млрд.долларлик шиширилган GTL заводи бор мамлакатнинг дизель ёқилғиси импорт қилиши абсурд эмасми? Ўзи кимлар GTL дизелини чегирма нархларда экспорт қилаяпти ва кимлар Ўзбекистонга дизель импорт қилаяпти, улар ўртасида қандай боғлиқлик бор?

Нефть нархлари тушаётганига қарамай, импорт қилинаётган бензин литри 65,3 центгача (+3,1 цент), импорт дизель тоннаси 753 долларгача (+32 доллар) қимматлаган. Остиданам, устиданам, ёниданам. Товони ўзбекистонликлар чўнтагидан.