Павлодар облысы Жоламан ауылындағы сүт фермасында болған төтенше жағдайда алты адам көз жұмып, бір жұмысшы ауруханаға түсті.

Алдын ала мәлімет бойынша, олар кәріз құдығын жөндеу кезінде газға уланған. Қаза тапқандардың арасында бір әке мен оның екі ұлы бар.

Тергеу жүріп жатыр. Ферма басшылығы әр отбасыға 2 миллион теңгеден өтемақы беріп, жерлеу шығындарын толық өз мойнына алатынын мәлімдеді.