Өскемен гарнизонын 23 қаңтарда мерзімді әскери қызметші көз жұмған еді. Бүгін осы іс бойынша тергеудің алғашқы қорытындылары белгілі болды.

Прокурорлардың айтуынша, әскери бөлімде лауазымды тұлғалар бірнеше рет жарғыға қайшы әрекеттерге жол беріп, қаза болған сарбазға және оның алты әріптесіне психологиялық қысым көрсеткен.

Бұдан бөлек, взвод командирі қару-жарақтың сақталуын тиісті деңгейде қадағаламаған.

Билікті асыра пайдалану және қызметке немқұрайлы қарау фактілері бойынша қозғалған іс сотқа жіберілді. Бөлім командирі мен оның екі орынбасары қызметтерінен босатылды, ал 9 лауазымды тұлға тәртіптік жазаға тартылды.