Қазақстанда тағы 16 тасжолда орташа жылдамдықты асырғандарға айыппұл енгізіледі. "ҚазАвтоЖол" компаниясының басқарма төрағасы Дархан Иманашев олардың нақты қай учаскелер екенін атамады.

Қазір мұндай жүйе 8 ақылы жолда жұмыс істеп тұр. Камералар көліктің екі нүкте арасындағы уақытын есептеп, орташа жылдамдықты анықтайды.

Мамандардың айтуынша, жаңа жүйе енгізілгеннен кейін жол-көлік оқиғалары 20%-ға дейін азайған. 2026 жылдың соңына дейін бақылау тағы бірнеше бағытқа кеңейтіледі.

Орташа жылдамдық жүйесі жүргізушінің жол бойындағы жалпы жылдамдығын есептеп, тек камерадан өткен сәттегі емес, бүкіл учаскедегі тәртіпті қадағалайды.