“Қоршап алып, қорғануға мүмкіндік бермеді“: Талғар ауданында 20 жастағы жігітті өлтіріп кеткен

Алматы облысының тұрғыны 20 жастағы інісінің Талғар ауданында топтық шабуылдан қаза тапқанын айтты. Оның сөзінше, жігітке 10-нан астам адам шабуыл жасап, пышақ жарақатынан оқиға орнында көз жұмған. Марқұмның әпкесі 30-ға жуық куәгер мен видео барын, бірақ тек бір адамның қамауда отырғанын жеткізді.

Оқиға Гүлдала ауылындағы мейрамханада болған. Полиция кісі өлтіру және бұзақылық бойынша екі іс қозғаған.

20 жастағы күдікті қамауға алынды, тағы үшеуі ұсталды: екеуі үйқамақта, бір кәмелетке толмағанға жеңіл шара қолданылды. Барлық куәгерлер анықталып, тергеу жалғасып жатыр.