“Xunuk” deb baholangan iPhone 17 Pro Max dunyodagi eng mashhur smartfonga aylandi

Apple flagmani 2025-yilning to‘rtinchi choragida global savdolarda yetakchilikni qo‘lga kiritdi, — deya xabar bermoqda Counterpoint Research agentligi.

Kompaniya anchadan beri foydalanuvchilarni qimmatroq qurilmalarga o‘tkazishni maqsad qilgan edi va, ehtimol, bu endi o‘z samarasini bera boshlagan. Axir, 17 Pro Max hatto juda muvaffaqiyatli iPhone 17 fonida ham yetakchilikka chiqdi — Apple esa unga bo‘lgan talab sabab ishlab chiqarishni shoshilinch ravishda oshirishiga to‘g‘ri kelgan.

Boshqa tomondan, bu oddiy statistik holat ham bo‘lishi mumkin: dastlabki oylarda flagmanlar reytinglarda yuqori o‘rinlarni egallaydi, keyinchalik esa ularni bazaviy modellarga boy beradi. Apple qimmat premium segment orqali xaridorlarni qay darajada jalb qila olgani vaqt o‘tishi bilan aniq bo‘ladi.

Samsung esa reytingning o‘rtalarida A56, A36 va eng oddiy Galaxy A07 kabi o‘rta va boshlang‘ich darajadagi modellari bilan barqaror o‘rnini saqlab turibdi. Xitoy ishlab chiqaruvchilardan esa ro‘yxatda faqatgina Redmi A5 mavjud.