Mish-mish: OnePlus Android asosida portativ o‘yin konsolini tayyorlamoqda

Insayder Digital Chat Station e’lon qilinmagan OnePlus o‘yin qurilmasining tasvirini taqdim etdi.

Ma’lumot muallifi ta’kidlashicha, bu smartfon uchun maxsus korpus emas, balki Android operatsion tizimida ishlaydigan alohida o‘yin konsoli. Bundan tashqari, renderda SIM-karta joyi va kamera bloki ham ko‘rinib turibdi, bu esa bunday qurilmalar uchun odatiy emas.

Agar insayder ma’lumotiga ishonadigan bo‘lsak, yaqin kelajakda biz PUBG Mobile va boshqa mobil o‘yinlar uchun mo‘ljallangan, qo‘ng‘iroq qilish va suratga olish imkoniyatiga ega noodatiy o‘yin qurilmasini qo‘lga kiritishimiz mumkin.