OnePlus global bozorda o‘rta segmentga mansub Nord 6 modelini taqdim etdi

Smartfon aslida Xitoyda chiqarilgan OnePlus Turbo 6 modelining xalqaro versiyasi hisoblanadi. Ushbu modelning asosiy ajralib turadigan jihati — 9000 mA·soat sig‘imli batareya edi.

Qizig‘i shundaki, bunday katta sig‘imli batareya faqat Hindiston bozori uchun mo‘ljallangan versiyada bo‘ladi. Boshqa barcha hududlarda esa qurilma 7500 mA·soat batareya bilan taqdim etiladi.

Dizayn, rang variantlari va asosiy texnik xususiyatlar ham deyarli Turbo 6V modeliga mos keladi, faqat kichik o‘zgarishlar mavjud.

Asosiy xususiyatlar:

• Displey: 6,78”, 2772×1272 AMOLED, 165 Hz;
• Protsessor: Snapdragon 8s Gen 4;
• Kameralar: 50 MP + 8 MP (ultra-keng burchakli) + 32 MP (old kamera);
• Xotira: 8/256 GB, 12/256 GB;
• Aloqa: 5G, NFC, Wi-Fi 7, Bluetooth 6.0;
• Biometriya: ekranga o‘rnatilgan barmoq izi skaneri (optik), yuzni aniqlash funksiyasi;
• Himoya: IP66/68/69K suv va changdan himoya;
• Batareya va zaryad: 9000 mA·soat, 80 Vt (Hindiston) / 7500 mA·soat, 80 Vt (Yevropa).

Narxi — 38 999 rupiydan (taxminan $420) boshlanadi.