Vivo X300 Ultra taqdim etildi

Asosiy kamera sensori yanada kattalashgan. Periskop kamerada ham yangi sensor bor, ammo uning xususiyatlari deyarli avvalgi modelni takrorlaydi. Keng burchakli kamera esa umuman o‘zgarmagan.

Biroq gap faqat kamerada emas — boshqa texnik ko‘rsatkichlar ham yuqori darajada: Snapdragon 8 Elite Gen 5 protsessori, 144 Hz yangilanish tezligiga ega displey va 12 dan 16 GB gacha operativ xotira. Akkumulyator hajmi oshirilgan bo‘lsa-da, hozirgi standartlar bo‘yicha rekord emas — 6600 mA·soat.

Smartfonning asosiy o‘ziga xos jihati — boy foto to‘plam: 200 va 400 mm fokus masofali yechiladigan obyektivlar (alohida ham sotib olish mumkin), ergonomik tutqichli g‘ilof, foto filtrlari uchun moslamalar, tashish sumkasi va yelka uchun kamar.

Shuningdek, bu Vivo kompaniyasining global bozorga chiqadigan ilk Ultra-flagmanidir. Global versiya premyerasi yil oxirigacha bo‘lib o‘tadi.

Asosiy xususiyatlar:

• Displey: 6,82” 3168×1440 LTPO AMOLED, 1–144 Hz;
• Chipset: Snapdragon 8 Elite Gen 5;
• Kameralar: 200 MP (Sony LYTIA-901, 1/1.12”, f/1.85, EFR 35 mm) + 50 MP keng burchak (116°, Sony LYT-818, 1/1.28”, f/2.0, EFR 14 mm) + 200 MP periskop (3.7x, Samsung HP0, 1/1.4”, f/2.67, EFR 85 mm);
• Xotira: 12+256, 16+512, 16+1024 GB;
• Aloqa: 5G, NFC, Wi-Fi 7, Bluetooth 5.4;
• Biometriya: ekrandagi ultratovushli barmoq izi skaneri, yuzni aniqlash funksiyasi;
• Himoya: IP68/69;
• Akkumulyator va zaryadlash: 6600 mA·soat, 100 Vt, 40 Vt simsiz.

Narxi — 6999 (taxminan $1015) yuandan boshlanadi.