OnePlus 15T — ultimativ ixcham flagman taqdim etildi

Hozirgi standartlarga ko‘ra, 6,32 dyuymli ekranli smartfonni bemalol ixcham deb atash mumkin. Shu bilan birga, displey haqiqatan ham yuqori darajada — maksimal yorqinligi 3600 nitgacha va yangilanish tezligi 165 Hz.

Ichki qismida esa hozirgi kundagi eng kuchli chipsetlardan biri — Snapdragon 8 Elite Gen 5 joylashgan.

Shuningdek, smartfon 7500 mA·soat sig‘imli ulkan batareya bilan jihozlangan. Bu safar model simsiz quvvatlash funksiyasini ham olgan.

Texnik xususiyatlari:

• Displey: 6,32” 2640×1216 AMOLED, 165 Hz;
• Chipset: Snapdragon 8 Elite Gen 5;
• Kameralar: 50 MP (IMX906) + 50 MP periskop (3,5x) + 16 MP old kamera;
• Xotira: 12+256, 12+512, 16+256, 16+512, 16+1024 GB;
• Aloqa: 5G, NFC, Wi-Fi 7, Bluetooth 6;
• Biometriya: ekranga o‘rnatilgan barmoq izi skaneri, yuzni aniqlash funksiyasi;
• Himoya: IP66/68/69/69K;
• Batareya va zaryad: 7500 mA·soat, 100 Vt, 50 Vt simsiz.

Narxi — 4299 yuandan (taxminan $625) boshlanadi.