Google Android’da uchinchi tomon ilovalari uchun “muzlatish davri”ni joriy qilmoqda

Google Play’da mavjud bo‘lmagan ilovalarni ishga tushirish uchun endi foydalanuvchilar quyidagi bosqichlarni bajarishlari kerak bo‘ladi: Android’da dasturchi rejimini yoqish, telefonni qayta ishga tushirish, shaxsni tasdiqlash va noma’lum manbadan yuklab olingan APK faylni o‘rnatishdan oldin 24 soat kutish.

Bu tartib Google tomonidan firibgarlikka qarshi kurash doirasida joriy etildi. Yangi qoidalar allaqachon yoz faslidan kuchga kiradi.

Shu bilan birga, “ishonchli ishlab chiquvchilar” tomonidan yaratilgan uchinchi tomon ilovalarini o‘rnatishda bunday murakkab jarayon talab etilmaydi. Ammo Google’ning verifikatsiya tizimi butun dunyo bo‘ylab eng yaxshi holatda faqat 2027-yilgacha joriy etilishi kutilmoqda.

Bu jarayonni faqat bir marta — dasturchi rejimi birinchi bor yoqilganda bajarish kifoya. Keyingi APK o‘rnatishlarda telefonni qayta yuklash va yana 24 soat kutish talab qilinmaydi.