Yangi OPPO Find N6 deyarli ko‘rinmas bukilish iziga ega

Kompaniya raqobatchilardan oldin harakat qilib, buklanadigan smartfonlar orasida deyarli ko‘rinmaydigan darajada yupqa bukilish iziga ega modelni birinchi bo‘lib taqdim etdi. OPPO vakillarining aytishicha, ichki shisha 300% dan ortiq mustahkamlangan, yangi mexanizm esa hatto 600 ming martagacha buklangandan keyin ham ekran holatini “yangi qutidan chiqqandek” saqlab qoladi.

Oldingi modelga nisbatan kameralar sezilarli darajada yaxshilangan: ularning aniqligi oshirilgan va yangi multispektral sensor joriy etilgan. Shuningdek, suv va changdan himoya paydo bo‘lgan, batareya sig‘imi kattalashgan.

Texnik xususiyatlari:

• 159,9 × 145,6 × 4,21 mm (ochilgan), 159,9 × 74,12 × 8,93 mm (yopilgan), 225 g;
• tashqi 6,62 dyuymli LTPO-OLED (2616 × 1140), ichki 8,82 dyuymli LTPO-OLED (2480 × 2248);
• Snapdragon 8 Elite Gen 5;
• 12/256, 12/512, 16/256, 16/512 GB;
• 200 MP (f/1.8) asosiy kamera + 50 MP (f/2.0) ultra-keng burchakli + 50 MP (f/2.7) telefoto (3× zum) + 2 MP Danxia multispektral kamera + har ikkala old kamera 20 MP (f/2.4);
• 6000 mA·soat batareya: 80 W simli, 50 W simsiz quvvatlash;
• Android 16, ColorOS 16 qobig‘i bilan.

Yangi model uch xil rangda taqdim etilgan: qora, kulrang va to‘q sariq. Narxi — 10 000 yuandan (taxminan $1 450) boshlanadi. Xitoyda sotuvlar 20-martdan boshlanadi.