“U paradigmani o‘zgartirmoqda”: Windows sobiq rahbari MacBook Neo haqida

“Barcha kompromisslar men uchun to‘liq maqbul va sezilmaydi. Neo yaxshiroq bo‘lishi shart emas”, — deya MacBook Neo xarididan Stiven Sinofski o‘z taassurotlarini baham ko‘rdi. U 2009-yildan 2012-yilgacha Windows bo‘limiga rahbarlik qilgan va uning boshchiligida Microsoftning Arm-chipga ega birinchi qurilmasi — Surface RT chiqarilgan. Afsuski, bu planshet muvaffaqiyatsizlikka uchragan, va Sinofski bu haqda ham fikr bildirdi.

“Hisoblash texnologiyasida ko‘pincha shunday bo‘ladi: dastlab erta ko‘rinadigan mahsulotlar bilan muvaffaqiyatsiz bo‘lganlar orasida katta farq bo‘lmaydi. Bizning g‘oyamiz muvaffaqiyatsiz emas edi, lekin uning amalga oshirilishi shunday bo‘lib chiqdi”, — deya xotirlaydi Sinofski.

Surface RT MacBook Neodan 15 yil oldin paydo bo‘lgan, ammo shunday muvaffaqiyat qozona olmagan. Microsoft ARM-versiyasidagi Windows’ni maqsadli rivojlantirish o‘rniga x86 bilan parallel ishlaydigan OS bo‘lagi sifatida ilgari surgan.

Shu bilan birga, Apple sekin-asta qurilmalar apparat qismini va macOS ARM-versiyasini takomillashtirgan, natijada kompaniya portfeli yana bir muvaffaqiyatli Mac bilan to‘ldirilgan, lekin endi mobil chipda. Oxirida Sinofski Apple’ni yana bir “aql bovar qilmaydigan ajoyib mahsulot” bilan tabrikladi.