Noutbuk narxlari oy oxirigacha 1,5 baravar oshishi mumkin

Butlovchi qismlar tanqisligi ishlab chiqaruvchilarni narxlarni ko‘tarishga majbur qilmoqda. Tahliliy agentlik TrendForce ma’lumotiga ko‘ra, birinchi chorak yakunlariga kelib narxlar 30–40 % ga oshishi mumkin. Bu esa eng optimistik senariy hisoblanadi.

Eng yomon holatda esa narxlar 58 % gacha ko‘tarilishi ehtimoli bor. Bunday vaziyat xotira modullaridan keyin protsessorlar ham keng ko‘lamda tanqis yuz berishi mumkin.

Dastlabki belgilar allaqachon paydo bo‘lgan. Fevral oyida Intel kompaniyasi server protsessorlari — Xeon ga bo‘lgan talabni to‘liq qondira olmayotgani ma’lum bo‘ldi.

Bozordagi bu bo‘shliqni AMD to‘ldirishi mumkin edi, ammo kompaniya protsessorlarni o‘zi ishlab chiqarmaydi. Ishlab chiqarish bilan shug‘ullanuvchi TSMC zavodlarining liniyalari esa hozirda NVIDIA chiplariga bo‘lgan buyurtmalar sabab deyarli to‘liq band.

Eng avvalo arzon va o‘rta narx segmentidagi noutbuklar qimmatlashadi. Ayniqsa arzon ekranli modellarda protsessor, operativ xotira va xotira qurilmasi qurilmaning asosiy tannarxini tashkil qiladi.

Biroq inqiroz hammani qamrab oladi. Britaniyaning IDC tahliliy agentligi eng pessimist prognozga ko‘ra, 2026-yilda kompyuterlarning global savdosi 2016-yil darajasigacha pasayishi mumkinligini aytmoqda.

HP allaqachon mijozlarga noutbukni sotib olish o‘rniga ijaraga olish variantini taklif qila boshladi. NVIDIA esa o‘zining bulutli o‘yin xizmati — GeForce NOW tariflarini qayta ko‘rib chiqmoqda.