Birinchi buklanadigan iPhone ochiq holatda iPad interfeysiga ega bo‘ladi

Apple iOS 27 ga iPadOS bilan bir xil interfeys tartibini, jumladan multiwindow rejimini qo‘shadi. Bu haqda Bloomberg jurnalisti Mark Gurman xabar berdi.

Yangi operatsion tizim xususiyatlari deyarli iPad mini ekraniga o‘xshash — 4:3 nisbatli va 7,8 dyuymli ichki ekranga ega bo’lishi kutilayotgan iPhone Fold uchun mo‘ljallangan bo‘ladi.

Shu bilan birga, buklangan holatda 5,5 dyuymli tashqi ekran klassik iOS interfeysini ko‘rsatadi. Biroq, orol (Dynamic Island) kichik nuqtadan chiqadi, chunki mish-mishlarga ko‘ra, buklanadigan iPhone Face ID sensorisiz bo’ladi.