NVIDIA g‘alaba qozondi: kompaniya o‘yin uchun mo‘ljallangan videokartalar bozorining deyarli 100 %ini nazorat qilmoqda

Bu haqda Kaliforniyadagi Jon Peddie Research tahlil agentligi ma’lum qildi. Ularning ma’lumotlariga ko‘ra, 2025-yilning to‘rtinchi choragida sotilgan barcha diskret videokartalarning 94 %i NVIDIA ulushiga to‘g‘ri kelgan. Qolgan 6 % esa Intel va AMD o‘rtasida taqsimlangan.

Tahlilchilarning bu raqamlari Steam foydalanuvchilari statistikasi bilan ham tasdiqlanadi. Kompyuter geymerlari orasida eng mashhur videokartalar reytingida dastlabki 16 ta o‘rinni faqat NVIDIA mahsulotlari egallagan. Reytingning birinchi pog‘onasida RTX 5070 turibdi, AMD ning ilk videokartasi esa faqat 17-o‘rinda paydo bo‘ladi.

NVIDIA o‘zini bozorida shu qadar ishonchli his qilmoqdaki, kompaniya allaqachon yangilangan RTX 5050 modelini chiqarishga tayyorlanmoqda. Mish-mishlarga ko‘ra, u 9 GB GDDR7 videoxotira va 96 bitli juda kichik shina bilan jihozlanadi.

Boshqa GPU’larda odatda 8 yoki 12 GB xotira bo‘lishini hisobga olsak, aynan 9 GB hajm biroz g‘alati ko‘rinadi va ko‘pchilikni hayratga soladi. Ammo NVIDIA bunga qanchalik e’tibor beradi? Uni kim to‘xtata oladi?