MacBook Neo haqidagi ilk taassurotlar

OAV vakillari bir vaqtning o‘zida Nyu-York, London va Shanxay shaharlarida o‘tkazilgan uchta Apple taqdimotida ishtirok etib, yangi qurilmani o‘z qo‘llari bilan sinab ko‘rishga ulgurishdi.

Engadget muallifining aytishicha, eng arzon MacBook umuman ham byudjet qurilmasi kabi tuyulmaydi va narxiga qaraganda ancha qimmatroq ko‘rinadi. Qurilma sifatli yig‘ilgan, rang-barang alyuminiy korpusi esa juda jozibali (buni biz allaqachon tushungan edik).
9to5Mac jurnalisti Chance Miller ham shu fikrga qo‘shilib, ayniqsa klaviaturaning ranglari va uning turli soyalarini alohida maqtadi.

Ammo klaviaturaning o‘zi biroz bo‘shroq va nozik tuyuladi — u eski kapalak (butterfly) mexanizmli klaviaturalarga o‘xshab ketadi. Tachpad esa juda silliq va tez javob beradi, biroq unga biroz mustahkamlik yetishmaydigandek.

MacBook Neo sotuvga 11-mart kuni chiqadi.

AQShda uning narxi 256 GB xotirali versiya uchun $600, 512 GB versiya uchun esa $700 qilib belgilangan.