Nothing yangi byudjet quloqchinlari — Headphones (a) modelini ham taqdim etdi

Quloqchinlar titan qoplamali 40 mm drayverlarga ega. Ular 20 Hz dan 40 kHz gacha bo‘lgan chastota diapazonini qayta ijro eta oladi.

Model 40 dB gacha faol shovqinni bostirish (ANC) tizimi bilan jihozlangan. Tizim tashqi shovqinlarni yutishning uch xil darajasini taklif qiladi.

Flagman Headphone (1) modelidan farqli ravishda, yangi versiya to‘liq plastik korpus bilan ishlab chiqilgan. Shuningdek, unda KEF kompaniyasi tomonidan ovozni sozlash hamda “dinamik shovqinni bostirish” funksiyasi mavjud emas.

Biroq yangilik bir nechta rang variantlari bilan taqdim etilgan va ancha yengil — atigi 310 g.

Asosiy xususiyatlari:

• Drayverlar: 40 mm;
• Kodeklar: SBC, AAC, LDAC, Hi-Res;
• Avtonomiya: ANC bilan 75 soatgacha, ANC o‘chirilgan holda 135 soatgacha;
• Namlikdan himoya: IP52;
• Ulanish: Bluetooth 5.4, 3,5 mm audio port;
• Narxi: $199.