Qayerdadir, otasiz yoki onasiz o'sayotgan bolalarni ko'rsam yurak bag'rim eziladi, istaymanki oilalarda ajrashuv bo'lmasin.

Alohida mavzuda shu bo'yicha suhbat qurdik, Ikrom Sharif va Shavkat Hasan akalardan Alloh rozi bo'lsin, bu suhbatdan o'zim ham ko'p-ko'p manfaat oldim.

Bu suhbatni ko'ring, toki oilalarda janjal bo'lmasin, ajrashuvlar kam bo'lsin, jamiyatda yetim bolalar kamaysin.

Ey oila egalari, qo’rg’oningizni asrang, eng qiyin holatda ham farzandlaringizni o’ylang, hissiyotda qaror qabul qilishga shoshilmang!

Hoy ayollar, oilangiz bu saodat maskani, boriga qanoat qiling, asosiysi juftingizni halol ishlab sizlarni ta’minlashi, oilangiz sirini hech va zinhor ko’chaga olib chiqmang, eng qiyin vaziyatda ham javobingizni so’rashga shoshilmang, muloqotdan qochmang, juftingiz bilan o’zaro suhbatlashing, muammoni yaxshilik bilan hal qilishga odatlaning!

Ey erkaklar, ey mas’ullar, juftingiz bu sharafingizdir, ayol kishi hissiyot egasi ekanligini unutmang, oilani saqlab qolish uchun eng avvalo biz mas’ulmiz, suhbat uchun doim ochiq bo’ling, ajrashishdan oldin sizdan yoshlari va tajribalari katta insonlar bilan suhbatlashing, taqdir bo’lib ajrashsangiz hech qachon farzandingizni tashlab qo’ymang, u sizning zurriyotingiz, vorisingiz, sharafingizdir!

Alloh taolodan so'raymanki, ushbu ko'rsatuv sabab qancha oila saqlab qolinsa, yetim bolalar kamaysa uning sababidan bizni savoblar bilan siylasin!

https://youtu.be/SIqQL9e9Ruw