نرخی نەوت گەیشتە بەرزترین ئاستی پێوانەیی چوار ساڵی رابردوو، نرخی نەوتی برێنت بۆ 125 دۆلار و 5 سەنت بەرزبووەوە

نرخی نەوتی خاو لە بازاڕەکانی جیهاندا ڕەوتێکی هەڵکشانی نوێی تۆمارکرد و نەوتی برێنت ئاستێکی پێوانەیی تێپەڕاند، هاوکات نرخی زێڕ پاشەکشەی بەخۆیەوە بینی.

ئەمڕۆ نرخی نەوتی خاوی برێنت لە بازاڕەکانی جیهاندا بەرزبووەوە و هەر بەرمیلێک بە 125 دۆلار و 5 سەنت مامەڵەی پێوەدەکرێت.

هەروەها، نرخی نەوتی سووکی تەکساسی ئەمریکیش لە ئاستێکی بەرزدا جێگیر بووە و لە ئێستادا هەر بەرمیلێک بە 110 دۆلار و 6 سەنت دەفرۆشرێت. پسپۆڕانی ئابووری هۆکاری ئەم بەرزبوونەوەیە بۆ ناسەقامگیرییەکانی دابینکردنی وزە و کێشە جیۆپۆلیتیکییەکان دەگێڕنەوە.

بە پێچەوانە، نرخی کانزا زەردەکە لە بازاڕەکانی جیهاندا ڕووی لە دابەزین کرد. لە ئێستادا یەک ئۆنسە زێڕ بە 4 هەزار و 560 دۆلار مامەڵەی پێوەدەکرێت، ئەمەش دوای ئەوە دێت کە لە ماوەی ڕابردوودا ریکۆردی مێژوویی تۆمارکردبوو.