Тошкент машиналар эмас, инсонлар учун бўлиши керак

Мутахассис айтгандек ХХ асрнинг иккинчи ярмида автомобилларга мослашган модел тўғри ечимдек кўринган: кенг йўллар, катта магистраллар.

Лекин амалда бу тирбандликни камайтирмади, аксинча шаҳарни машиналарга қарам қилиб қўйди. Ҳозир замон ўзгармоқда, ривожланган мамлакатлар бу моделдан бутунлай воз кечган.

Шуни унутмайлик, қанча йўл кенгайса ҳам, барибир машиналар кўпайиб, муаммо яна қайтиб келяпти. Бу эса ёндашувни қайта кўриб чиқиш кераклигини кўрсатади.

Менга яқин бўлган ёндашув видеода айтилганидек, инсон марказида бўлган шаҳар. Яъни пиёда юриш қулай, жамоат транспорти самарали, яшаш муҳити эса фақат ҳаракатланиш учун эмас, балки ҳаёт учун мос бўлиши керак.

“15 дақиқалик шаҳар” ғояси ҳам менимча тўғри ечим: инсон кундалик эҳтиёжларини узоққа бормай ҳал қила олиши керак. Бу вақтни тежайди, стрессни камайтиради ва ҳаёт сифатини оширади.

28 февралда қабул қилинган ҳукумат қарори орқали айнан бу йўналиш белгилаб берилди. Бошланишига 139,6 гектар ҳудудда янги жамоат парклари ва яшил зоналар барпо этилиши режалаштирилган. Шу билан бирга, янги қурилиш лойиҳаларида ҳудуднинг камида 30 фоизини яшил майдонлар ташкил этиши мажбурий талаб сифатида белгиланди.

Хулоса қилиб айтсам, мен Тошкент келажагини машиналарга эмас, инсонларга мослашган шаҳар сифатида кўришни хоҳлайман.

@shokirjonov