Шу тобда мияга бир нарса «уриб» қолди...

MY.GOV.UZ даги шахсий кабинетда шу инсон номига очилган барча пластик карточкаларнинг рақамини кўрсатиш кераклигини Бакиров 7 йиллардан бери ёзади, адашмасам.

Дроп карталару, бировлар бировларнинг номига очиб олган карталарда пул айлантириши билан боғлиқ киберфирибгарлик кескин кўпайган пайтда, энди 2026 йилнинг декабригача шу нарса жорий қилиниши ҳали КУТИЛМОҚДА экан. Бу санагача бўлиш-бўлмаслиги ҳам ноаниқ ҳали.

Менинг гумонимча, карталарни эгаларига кўрсатмасликдан қандайдир манфаатдор инсонлар бор. Албатта, «ҳалол-пок» банкирлар ҳам аралаш бунга.

Йўқса, бу техник жиҳатдан 3 кунда қилса бўладиган иш деб ўйлайман. Ҳамма карта ЖШШИРга боғланган, ўшанга қараб биттада чиқариб берса бўлади. (Маним номимдаги машина, уй чиқади, масалан техпаспортию кадастр ҳужжатларигача).

Чунки, ўзларига зарур бўлганда “Open budget”да ЖШШИРга қараб бир одам номига очилган барча телефон рақамлардан фақат битта овоз бериш мумкин қилишди.

Телефон рақамдан фойда йўқ-да, лекин шу пластик карта рақамдан ким(лар)дир фойда қиляпти, аниқ бу.

2026 йил декабригача ўшалар тўйиб олса — жорий қилинади, тўймаган бўлса яна чўзилади. Ёки шу муддат ичида дроп карталарни ёпишга улгуришади.

ИМҲО.

@shokirjonov