Пиллачиликда янги давр: 2026 йилдан соҳа субсидиялар ҳисобига драйверга айланади

Президент қарори билан ипакчилик тармоғини қўллаб-қувватлашнинг мутлақо янги тизими жорий этилмоқда. Энг асосий янгилик — 2026 йил 1 апрелдан бошлаб пилла етиштирувчи фермерлар, деҳқон хўжаликлари ва кластерларга давлат бюджетидан субсидия ажратилиши белгиланди.

Бу маблағлар янги тутзорлар ташкил этиш, хом ашё базасини кенгайтириш ва иш ҳажмини ошириш учун йўналтирилади. Енгил саноатни ривожлантириш агентлиги директори Нозимжон Холмуродовнинг таъкидлашича, асосий мақсад — ипакни шунчаки хом ашё сифатида эмас, балки уни чуқур қайта ишлаб, юқори қўшимча қийматга эга тайёр маҳсулот сифатида экспорт қилишдир.

2030 йилгача белгиланган режага кўра, соҳани модернизация қилиш орқали ҳудудларда минглаб янги иш ўринлари яратилиши ва экспорт тушумининг кескин ўсиши кўзда тутилган. Бу тизим ипакчиликни фойдали бизнес йўналишига айлантириш ва қишлоқ жойларида бандликни таъминлаш учун хизмат қилади.

@shokirjonov