Президент ҳузурида Тошкент–Самарқанд йўналишида янги автомагистрал қуриш лойиҳаси кўриб чиқилди.

Режага кўра, йўлнинг умумий узунлиги 282 километрни ташкил этади. Шундан 140 километрида тупроқни мустаҳкамлаш ишлари амалга оширилади. Лойиҳа доирасида 12 та транспорт ечими, 91 та кўприк ҳамда 16 та йўл ўтказгич қурилиши режалаштирилган.

Мазкур автомагистрал беш йил давомида қурилиши кўзда тутилган бўлиб, у автомобил йўлларининг энг юқори техник ва хавфсизлик стандартларига жавоб берадиган магистрал бўлади.

Унда ҳар бири 3,75 метр кенгликдаги цемент-бетон қопламали олтита ҳаракат тасмаси барпо этилади. Йўлнинг лойиҳавий тезлиги эса 150 km/h этиб белгиланган.

@shokirjonov